1507244_492184010894965_653986257_o

«Մշակութային խնդիրներ եւ հաղորդակցութիւն» խորագրով երեկոյեան դպրոց

2013 թուականի նոյեմբերի 25–ին մեկնարկեց «Ծիրանի» ՀԿ-ի, Բանակցութեան երեւանեան կենտրոնի (CEN Yerevan) եւ «Զորակն» գիտակրթական երիտասարդական հիմնադրամի համատեղ կազմակերպած «մշակութային խնդիրներ եւ հաղորդակցութիւն» խորագրով երեկոյեան մէկամսեայ դպրոցը:

Դպրոցի նպատակն էր տեսական եւ գործնական անվճար պարապմունքների միջոցով ներկայացնել հայկական մշակոյթին առնչուող արդի մարտահրաւէրներն ու ձեռքբերումները, զուգահեռաբար փոխանցել բանակցային արուեստի եւ հաղորդակցութեան հիմունքներ եւ հմտութիւններ:

Դպրոցի մասնակիցներն իրենց գիտելիքները գրագէտ հաղորդակցութեան եւ բանակցութեան միջոցով կարող են օգտագործել ի նպաստ մշակութային ոլորտի մի շարք խնդիրների լուծման եւ ոլորտի քաղաքականութեան մշակման:

Դպրոցում ներկայացրած թեմաներն ընդգրկում էին մշակութային տարաբնոյթ խնդիրների վերաբերեալ զեկոյցներ, բանակցային տարբեր մոդելների, հաղորդակցութեան յաջողման եւ ձախողման պատճառների, ինչպէս նաեւ մեդիագրագիտութեան վերաբերեալ դասախօսութիւններ: